मेरो खोटांग मेरो प्राण एकता हो हाम्रो शान ।

खोटाङं समचारहरू-दमन राई

जंगलबाट फैलिएको आगोले घर जलेपछि खोटाङमा ५ घर परिवार बिस्थापित/डढेलो अझै नियान्त्रण बाहिर ।।
बैसाख-११, जंगलबाट फैलिएको आगोले घर जलेपछि खोटाङमा ५ घर परिवार बिस्थापित भएका छन् । गाउँ नजिकैको जुरेथुम्का सामुदायीक बनबाट फैलिएको डढेलोले घर जलेपछि बिजयखर्क-७ का हेमसागर ढकाल, भवकृष्ण ढकाल, बिष्णुप्रसाद खनाल, तेजबिनोद ढकाल र मीना बिश्वकर्माको परिवार बिस्थापित भएका हुन् । यस्तै, डढेलोले बिजयखर्क-८ का मुलुकबहादुर र्राईको मतान जलेको छ । आगलागीबाट करिब ५० लाखभन्दा बढिको धनमाल नष्ट भएको प्रारम्भिक अनुमान गरिएको जिल्ला प्रहरी कार्यालय खोटाङले जनाएको छ । आगो नियन्त्रण गर्नकालागि सदरमुकाम दिक्तेल र बुईपाबाट प्रहरीको टोली परिचालन गरिएको छ । बनमा फैलीएको आगोबाट अझै गाबिसका दर्जनभन्दा बढि घर खतरामा रहेको स्थानीय शिक्षक गोबिन्द कट्वालले जानकारी दिनु भयो । सामुदायीक बनमा फैलिएको आगोको कोईला र ज्वाला बतासले उडाएर घरको छानामा ल्याएपछि घरमा आगलागी भएको शिक्षक गोबिन्द कट्वालको भनाई छ । आगलागीबाट चारै परिवारको शरीरमा लगाएको कपडाबाहेक अन्य अन्नपात, लुगाफाटा, भाँडाकुँडा, काठपात जलेर नष्ट भएको छ । बिजयखर्कको जुरेथुम्का सामुदायीक बनमा हिजो आईतबारदेखि फैलिएको डढेलो अझै नियान्त्रण बाहिर रहेको प्रहरीले जनाएको छ ।

घर जलेरपछि खोटाङमा तीन परिवारको बिचल्नी
बैसाख-१३, आगोलागीमा घर जलेर नष्ट भएपछि खोटाङमा तीन परिवार बिचल्नीमा परेका छन् । आगोलागीमा घर र घरमा भएका सवै नगद, अन्नपात, भाँडाकुँडा र लत्ताकपडा जलेपछि पौवासेरा-५ चिउरीबोटेका रामबहादुर राउत, दानबहादुर राउत र कर्णबहादुर राउतको परिवार बिचल्नीमा परेका हुन् । आगोलागीमा घर र आवश्यक सामग्रीहरु जलेपछि राउत परिवार हिजो मंगलबारदेखि छिमेकीको घरमा बसिरहेका जिल्ला प्रहरी कार्यालय खोटाङले जनाएको छ । आगलागीको कारण खुल्न नसकेको प्रहरीको भनाई छ ।
यसैबीच, आगलागीमा परी बिचल्नीमा परेका खोटाङ बिजयखर्कका चार अग्निपिडित परिवारलाई राहत रकम बितरण गरिएको छ । बिजयखर्क गाबिसले बिजयखर्क-७ का सात अग्निपिडित परिवारमध्ये हेमसागर ढकाल, भबकृष्ण ढकाल, बिष्णुप्रसाद खनाल र मिना बिश्वकर्माको परिवारलाई प्रतिघर सात हजारका दरले राहत रकम प्रदान गरेका हुन् । स्थानीय जुरेथुम्का सामुदायीक बनबाट फैलिएको डढेलोबाट सल्किएको आगोले गत सोमबार घर पूर्णरुपमा जलेपछि बस्थिपित बनेका परिवारलाई राहत रकम प्रदान गरिएको गाबिस सचिव केदारनाथ खनालले बताउनु भयो । आगलागीबाट बिस्थापित बनेका आगलागी पिडित परिवारहरु अहिले छिमेकीको आश्रयमा बसिरहेका छन् ।
                                          ।।

।।