मेरो खोटांग मेरो प्राण एकता हो हाम्रो शान ।

खोटाङका चार जना साहित्य तथा संगीत स्रष्टाहरु अभिनन्दीत

दमन राई/खोटाङ । चैत्र-२९, खोटाङका चार जना साहित्य तथा संगीतका स्रष्टाहरु एकैसाथ अभिनन्दीत भएका छन् । बालसेवा समाज नेपाल नेर्पा खोटाङको १५ औं साधारणसभा तथा ७ औं अधिवेसनको अवशरमा साहित्यकार जसराज किराती, बिष्णु आभूषण, चमा थुलुङ तथा संगीतकर्मी पृथी जिम्बा अभिनन्दीत हुनु भएको हो । मोफसलमा रहेर पनि लामो समयदेखि निरन्तर साहित्य र संगीतका क्षेत्रमा महत्वपुर्ण योगदान पुर्‍याइरहनु भएकामा चार स्रष्टाहरुलाई अभिनन्दन गरिएको हो । जिल्ला बिकास समितिको समिक्षालय हलमा भएको कार्यक्रममा प्रमुख जिल्ला अधिकारी केशवराज आचार्य र स्थानीय बिकास अधिकारी बशन्तकुमार भण्डारीले उहाँहरुलाई दोसल्ला ओढाएर अभिनन्दनपत्र प्रदान गर्नु भएको थियो ।

बुइपा निबासी साहित्यकार जसराज किराती मोफसलको अप्ठ्याराहरुका बाबजुद पनि लामो समयदेखि निरन्तर साहित्य सिर्जनामा लागीरहनु भएको छ । यस्तै, नेपाली कांग्रेस खोटाङका सभापति रहेका विष्णु आभूषण राजनीतिको व्यस्तताकाबीच पनि निरन्तर साहित्य सिर्जना गर्दै आउनु भएको छ । अभिनन्दीत चमा थुलुङ दिक्तेल बहुमुखी क्याम्पसका सहायक प्रमुखका रुपमा कार्यरत हुनुहुन्छ, भने कालिका माबि नेर्पामा अध्यापन गरिरहनु भएका पृथी जिम्बा गाउँमै बसेर गीत र संगीतका क्षेत्रमा योगदान पुर्‍याउँदै आउनु भएको स्रष्टा हुनुहुन्छ । प्रायः जिल्लामा हुने साहित्यीक तथा सास्कृतिक कार्यक्रममा नछुट्ने आभूषण छोरम्बु, थुलुङ बुइपा तथा जिम्बा खिदिमाबासी हुनुहुन्छ ।

यसैबीच, समाजले आफ्नो उत्कृष्ट तीन जना कर्मचारीहरुलाई पनि सम्मान गरेको छ । समाजले एसएसएमपी कार्यक्रमतर्फराजेन्द्र तामाङ, गरिबी निवारणतर्फतेजिन्द्र हिङमाङ र एलजिसिडीपीतर्फनबीन र्राईलाई उत्कृष्ट कर्मचारीकोरुपमा अभिनन्दन गरेको हो । समाजले आफ्नो सरसफाई अभियानका सहयोगी जिल्ला प्रहरी कार्यालय, शसस्त्र प्रहरी बल हलेसी गुल्म, जनस्वास्थ्य कार्यालय तथा सामुदायीक बिकास सेवा केन्द्रलाई पनि कदरपत्र प्रदान गरेको छ ।