मेरो खोटांग मेरो प्राण एकता हो हाम्रो शान ।

About us Stay Connected Tuesday, February 28th, 2012 | Posted by admin | Edit हङकङव्यापी वृहत कविता प्रतियोगिता २०१२ सम्पन्न , मोती चाम्लिङले सबैलाई उछिने

रविन लिङदेन “आम्बु जेठा” – हङकङ, २७ फेव्रअरी,
(शहर तिम्रो नेत्र ज्योति, अध्यावधि ठिकै हो भने
छदम चादको चस्मा लगाउने रहने किन ?
चुच्चे, नेप्टे नाकको डालीलाई सास्ति दिने हो भने
सदाआकाक्षा वाच्दैन सास, सादा कात्रोले आँखा छोपलौ – कवि मोती चाम्लिङ)

खोटाङ टेम्के तुवाचुङ साहित्यिक पुरस्कार अक्षय-कोष निर्माण समिति हङकङले आईतवार एक कार्यक्रम गरि हङकङका नेपाली कवि तथा कवयत्रिहरुको कविता प्रतियोता गराएको छ । उक्त प्रतियोगितामा हङकङमा वसोवास गर्ने नेपाली वरिष्ठ कवि देखि नव उदय कवि तथा कवयत्रिहरुको भिड रहेको थियो । प्रतियोगि १० जना रहेका थिए भने अप्रतियोगिहरु पनि उतिनै रहे पनि समयको अभावले गर्दा सबै वाचन गर्न सकिएको थिएन।

कविता प्रतियागितामा उत्कृष्ट ५ कविहरु छनौट भएका थिए । “सहर र अवयव ईन्द्रियहरु” कविताको शिर्ष लिएर, प्रथम भएका थिए कवि मोति चाम्लिङ । आषिस सम्पाङ ‘महेश’ले आफ्नो कविताको शिर्ष “रेमिट्यान्स” लिएर दोश्रो भएका थिए । “नेपाल सरकार नागरिक्ता फिर्ता गर” चन्द्र मादेन ‘आन्छान’, “म जिन्दगी ठुले र प्रदेश” रुद्र नाल्वो र “माटोको मायाँ” टोप वहादुर राई क्रमशः तेश्रो, चौथो र पाचौं स्थान हासिल गर्न सफल भएका थिए ।

प्रथम, दोश्रो र तेश्रो प्रतियागी कविहरुलाई कप प्रदान गरिएको थियो । चौथो र पाचौं कविहरुलाई प्रमाण-पत्र वितरण गरिएको थियो । कविता प्रतियोगितामा भाग लिने कविहरुलाई पनि प्रमाण-पत्र प्रदान गरिएको थियो । विनय शाहा, आषिस साम्पाङ, प्रज्ञा राई, पिताम्बर राई, पवित्र राई, टोप वहादुर राईले कविता प्रतियोगितामा भग लिई प्रमाण-पत्र प्राप्त गरेका थिए । कप नेपाली महासंघ हङकङका अध्यक्ष प्रदिप थापामगरले प्रायोजन गरेको थियो भने हल हिन्सका अध्यक्ष बुद्दि बहादुर थापाले प्रायोजन गरेका थिए । प्रचारप्रसारमा हंगकंगका स्थानिय वेवसाईटहरुले सहयोग गरेका थिए।

कविताको पुर्णाक ३० मार्क रहेको थियो जसमा प्रस्तुति, विषय वस्तु तथा विचार पक्ष र शिल्प शैलि, शब्द सैलि गरि तीन विषय केन्द्रित १० १० मार्कको थियो। प्रतियोगितामा नेपाली सहित्य प्रतिष्ठान हङकङका अध्यक्ष टंक सम्बाहाम्फे, अनेसास हङकङका अध्यक्ष कमल पौड्याल र सृजनसिल सहित्य समाजका सचिव नरेश सुनुवार निर्णायक मण्डलमा रहेका थिए ।

समितिका संयोजक प्रकाश रोदुङले संचालन गरेको कार्यक्रमलाई मूलबाटो डटकमले कार्यक्रमको प्रत्यक्ष प्रसारण गरेको थियो । उक्त कार्यक्रममा हङकङमा एकमात्र नेपालीबाट संचालित ‘नवलपुरे किसान पुस्तकालय’लाई आयोजक संस्थाले आफ्नो पाँचवटा पुस्तक हस्तान्तरण गरेको थियो।

अप्रतियोगितामा , भुपेन्द्र चेम्जोङ, प्रकाश रोदुङ, मालिकराम राई, मोहन गुरुङ, असोक राई,दिपा राई एवाई र प्रकाश छाङछा राई आदिले अप्रतियोगि कविता वाचन गरेका थिए ।